Нийгата Нагояа Осака аялал

Доорхи мэдээлэлтэй холбоотой асууж тодруулах зүйлсийг 99083650, 99085050, 88887250 утсаар лавлана уу.

“НИЙГАТА-НАГОЯА –ОСАКА” АЯЛАЛ

1.     Аяллын чиглэл: Улаанбаатар-Нийгата-Нагояа-Осака        Аяллын хугацаа: 2025.08.19-23

2.     Аяллын хугацаа: 4 шөнө 5 өдөр                 Аяллын үнэ:   3.990.000, 6-11нас 3.790,000 төг, 3-5 нас 3.590,000 төг

ӨДӨР 1: УБ- Нийгата   8 сарын 19

Улаанбаатар хотоос ХҮННҮ ЭЙР нислэгээр Хөшигтийн хөндий Чингис хаан ОУ-ын нисэх онгоцны буудал дээр 07:00 цагт цуглан бүртгэлээ хийлгээд шууд нислэгээр 10:10 цагт Нийгата хот руу ниснэ. 15:30 цагт бууна. Хөтөч зохион байгуулагч угтан авч аяллын зааварчилгаа өгнө. Нийгатад " Outlet" дэлгүүр орно. Оройн хоолны дараа зочид буудалдаа бүртгэл хийлгэн амарна.

Хоол: Өдөр онгоцонд, Орой

ӨДӨР 2: Нийгата-Нагояа   8 сарын 20

Өглөөний цайны дараа орчин үеийн урлаг, дизайны гайхамшгийг тольдох Тояамагийн музейд зочилно. Энэхүү орчин үеийн музей нь дэлхийн алдарт зураачдын бүтээл, Японы график дизайн, уран сэтгэмжийг хослуулсан өвөрмөц орон зай юм. Дээврийн тоглоомын орчин, үзэсгэлэнт интерьер, кофе шоп бүхий энэхүү музей нь урлагт дурлагсдад мартагдашгүй мэдрэмжийг төрүүлнэ. Үүний дараа ЮНЕСКО-д бүртгэгдсэн үзэсгэлэнт өв Ширакава тосгоноор зочилно. "Gassho-zukuri" гэх өвөрмөц, гурвалжин дээвэртэй, модон байшингуудтай. Хүмүүс одоо ч тэнд амьдарсаар байгаа амьд музей юм. Энэ өдөр бид хөгжлөөрөө Япон улсад 4-т бичигддэг Нагояа хотод ирж буудалдаа бүртгэлээ хийлгэн амарна. Оройн хоолны дараа буудалдаа амарна.

Хоол: Өглөө, Өдөр, Орой 

ӨДӨР 3: Нагояа 8 сарын 21

Зочид буудалдаа өглөөний цайгаа уугаад Нагояа ТВ цамхаг руу хөдөлнө. Энэ нь Японы Нагояа хотын бэлгэ тэмдэг болсон, түүхэн ач холбогдолтой цамхаг юм. Үүний дараагаар Toyota Automobile Museum, автомашины түүх, хөгжлийг харуулсан дэлхийн хэмжээний музей юм. Тоёотагийн машин гэлтгүй, дэлхийн алдартай автомашинуудын түүхийг бүхэлд нь хамарсан маш өргөн цар хүрээтэй үзэсгэлэнтэй. Ингээд бид түүхэн болон архитектурын хувьд чухал самурай эрин үеийн Нагояа цайз орно. Энэ бол аялал жуулчлалын гол цэг, Японд очсон хүн бүр заавал үзэх газрын нэг юм. Оройн хоолоо зооглон зочид буудалдаа бүтгэл хийлгэн амарна.

Хоол: Өглөө, Орой

ӨДӨР 4: Нагояа -Осака 8 сарын 22

Зочид буудалдаа өглөөний цайгаа уугаад Цүтэнкакү (Tsutenkaku Tower) Осакaгийн бэлгэ тэмдэг болсон энэхүү цамхаг нь эртний түүх, дэвшилтэт хотжилтын хослол юм. 103 метрийн өндөртэй энэхүү цамхагт авирч та Осака хотыг 360° харж, гэрэлтэх гудамжнууд, холын уулсыг нүдээр тольдон харах боломжтой. Дотонбори Неон гэрэл, гудамжны урлаг, хүн бүрийн нүүрэнд инээмсэглэл тодорсон амьд уур амьсгалтай Дотонбори гудамжаар алхаж, амьдралын эрч хүчийг мэдэрцгээе. Үүний дараа Шинсайбаши – Шоппингийн диваажин Осака хотын хамгийн алдартай худалдааны гудамж. Та эндээс Японы гоо зүй, чанар, нарийн хийцтэй загварын хувцас, арьсан эдлэл, гоо сайхны бүтээгдэхүүн, бэлэг дурсгал, шинэлэг технологи зэрэг бүх зүйлийг олох боломжтой. Оройн хоолоо идээд зочид буудалдаа амарна.

Хоол: Өглөө

ӨДӨР 5: Осака –Улаанбаатар 8 сарын 23

Өглөө эрт өглөөний цайгаа уугаад  зочид буудлын өрөөгөө хүлээлгэн өгөөд чөлөөтэй. 15 цагт цуглан нисэх онгоцны буудалд очин бүртгэл хийлгэн  18:50 цагт Осака  ОУНБуудлаас буцан ниснэ. Чингис хаан нисэх буудалд 22:50 д  бууснаар бидний дурсамж дүүрэн аялал өндөрлөнө.

Хоол: Өглөө

Аяллын үнэд доорх зүйлс БАГТСАН: 

• УБ Нийгата Осака УБ нислэгийн тийз
• Зочид буудал /2 ортой өрөө/
• Хөтөлбөрт багтсан хоол
• Хөтөлбөрт заасан үзвэрийн газруудын тасалбар
• Аяллын автобус/ чөлөөт өдрийн унаа багтаагүй/
• Монгол хэлтэй хөтөч/чөлөөт өдрүүдэд орчуулга хийхгүй
• Гадаадад зорчигчдын иж бүрэн даатгал
• Япон улсын визийн хураамж 

Аяллын үнэд доорх зүйлс БАГТААГҮЙ:

• Хувийн хэрэгцээний зардал
• Хөтөлбөрт багтаагүй хоол, бусад нэмэлт зүйлс
• Өрөөндөө ганцаараа байрлах бол нэмэлт 500,000 төгрөг төлнө.