Виз татгалзсан бол ЖЭЖҮ аялах боломжтой юу?

БНСУ-н Жэжү арлын аялалд хүмүүсийн түгээмэл асууж буй асуулт болох “татгалзсан хариутай хүн явж болохгүй юм уу?” ⁉️⁉️⁉️

-Таны татгалзсан хариуны дугаар хэд байгаагаас шалтгаална. 

1. Пасспортны арын хуудсан дээр он сар, тоо бүхий улаан тамга дардсан байгаа ба тоо нь татгалзсан хариуны тайлбар юм.

2. Онлайнаар www.visa.go.kr сайтаар орж шалгаж харах боломжтой

3. Мэдэх боломжгүй, гадаад паспортоо хаяж гээсэн бол өөрийн биеэр бичиг баримттайгаа БНСУ-н ЭСЯ-н дээр ажлын өдөр 11 цагт очиж хүсэлт бүхий анкет бөглөөд маргааш 14 цагт мөн өөрийн биеэр очиж хариуг авах боломжтой

Аяллын компани таныг БНСУ-н хилээр оруулна, оруулахгүй гэж аливаа шийдвэр хэлэх боломжгүй, эцсийн шийдвэрийг БНСУ-н хилийн ажилтан гаргадаг тул бид олон жилийн туршлагаар доорх 10 татгалзсан хариутай хүн эрсэлтэй алхам хийх хэрэггүй гэж зөвлөдөг

❌❌❌ - аялалд бүртгүүлэх боломжгүй нөхцлүүд

✅✅✅ - аялалд бүртгүүлэх боломжтой

Виз олгохоос татгалзсан шалтгааны тайлбар 

1. ✅ Пасспортны хүчинтэй хугацаа дууссан 

2. ❌ Хилийн Шалган Нэвтрүүлэх Албаны тухай хуулийн  11-р зүйлийн 1 (хилээр орох эрх нь хаагдсан)-д хамрагдсан.

3. ❌ Өмнө нь БНСУ-д визний хугацаа хэтрүүлж байсан буюу оршин сууж байхдаа хууль зөрчиж байсан.

4. ✅ Зорчих зорилгоо тодорхойлсон бичиг баримтаа бүрдүүлж өгөөгүй.

5. ❌ БНСУ-ын хилийн албанаас тогтоосон оршин суух нөхцлийг хангаагүй.

6.  

   1. ❌ Хуурамч материал бүрдүүлж өгсөн (орох эрхийг _ жилээр хаасан).   

   2. ❌ Ажлын газрын тодорхойлолтын үнэн зөв эсэхийг батлах боломжгүй. 

   3. ❌ Аман болон бичгийн мэдүүлэг бодит байдалтай зөрүүтэй байсан, үнэн зөвийг батлах боломжгүй .  

   4. ❌ Бүрдүүлсэн бусад материалын үнэн зөв эсэхийг батлах боломжгүй.

7. ✅ Зорчих зорилго тодорхойгүй байсан. 

8. ❌ Төлбөрийн чадвар зэрэг нь визний хугацаандаа буцаж ирэх баталгаа болж чадаагүй.(Хууль бусаар оршин суух, ажиллах магадлал өндөр)

9. ❌ Уригч тал нь хүн урих эрхгүй байсан. Уригч талын өмнө нь урьсан хүмүүсээс тус улсад хууль бусаар үлдсэн тохиолдол гарсан.

10. ❌ Уригчтайгаа төрөл садан болон ямар холбоотойгоо баталж чадаагүй 

11. ✅ Бусад 

    1. Утсаар холбогдох боломжгүй байсан

    2. Нэмэлтээр хүссэн материалыг бүрдүүлж өгөөгүй 

    3. Өөрийн хүсэлтээр пасспортаа буцааж авсан